114. Amefufuka Katika Wafu

1.  K:  Amefufuka katika wafu, 

        akiwa na utukufu.  

        Kristo pekee, 

        ndiye mwenye nguvu.

    W:  /:Yeye limbuko  

        la waliolala,  

        tena ni  mwisho

        wa nguvu ya mauti  

        kwetu. :/ 

2.  K:   Hii ni habari iliyo kweli,

         iletayo udhahiri.  

         Yapasa wote, 

         tuache mashaka. 

    W:  /: Yesu usifiwe, 

          Wewe pekee ndiwe 

          ustahiliye kushika 

          mamlaka yote. :/

3.  K:  Kristo u Bwana 

        mwenye uweza.  

        Shetani umemshinda,  

        kazi yote umeimaliza.

    W:  /:Uhimidiwe, 

         Ewe Bwana pekee,  

         Utupokee tunapokuja  

         kwako, Bwana.:/

4.  K:  Tuutangaze ushindi wake, 

        mataifa waje kwake,  

        wafahamu utukufu wake.

    W:  /: Asante, Bwana, 

        kwa ushindi wako 

        kwa watu wako.

        Shetani hana nguvu  

        tena.:/